5 Kultura e migrimit dhe krijimi muzikor te vlleho-arumunët në Drenovë (Shqipëri)

Abstract

Ky punim përqendrohet te dinamikat e migrimit, ashtu siç janë përjetuar nga një grup këngëtarësh të polifonisë tradicionale nga fshati Drenovë i Shqipërisë juglindore. Ky grup i përket pakicës vlleho-arumune dhe muzika që ata interpretojnë është stili tosk i këngës shumëzërëshe shqiptare (e njohur gjithashtu si iso-polifonia popullore shqiptare në Listën Përfaqësuese të Trashëgimisë Kulturore Shpirtërore të UNESCO-s). Këto dinamika janë hulumtuar gjatë një projekti të veçantë etnomuzikologjik që synonte regjistrimin dhe dokumentimin e repertorit të tyre për albumin CD “Këngë arumune të Drenovës”. Artikulli mbështetet në punën etnografike në terren të zhvilluar gjatë këtij projekti, duke u përqendruar kryesisht te intervistat dhe bisedat me interpretuesit, të cilat zbulojnë shtresimet njerëzore dhe kulturore të kësaj muzike. Dinamikat e migrimit kanë qenë një pjesë e rëndësishme e përvojave të tyre jetësore. Artikulli gjurmon trajektoret e migrimit dhe minoritetet në Shqipëri, me fokus te shtëpia dhe riatdhesimi, subjektiviteti dhe kënga, si dhe krijimin muzikor dhe vendi, si tema kryesore të këtij repertori.